六吋珍寶巨蠔 限定足料龍蝦底 冬陰公

唔連殼,淨長六吋嘅珍寶蠔有蒜蓉燒、火焰、黑松露忌廉燒三款口味。九月限定嘅冬陰公海鮮鍋非常足料,目測有10隻大蝦,仲要用龍蝦湯做湯頭,勁惹味!

珍寶蠔三色拼盤 $168

當中包括蒜蓉燒 $48、火焰燒 $58、黑松露忌廉燒 $68,散叫又得拼盤咁叫都得。每隻生蠔雖然大小唔一定一樣,但一定隻隻都勁大隻!記者以為自己係生蠔愛好者,一次食十打無難度啦!點知食完三大隻之後真係有少少飽喎。

與iPhone6s的對比,一睇就知幾大隻啦

與iPhone6s的對比,一睇就知幾大隻啦

仲大過記者隻手呀!

仲大過記者隻手呀!

最大個隻連殼真是有8吋,不連殼也有6吋!

最大個隻連殼真係有8吋,唔連殼都有6吋!

當中的火焰燒辣辣地,同蒜蓉燒的生蒜不同,再多加辣椒,入口夠辛,但唔算太辣。而黑松露忌廉燒則是重口味之選,極重黑松露香!記者最鍾意都係火焰燒。

笑蝦蝦冬陰公海鮮鍋 特價$168 九月限定

每月都有的限定鍋今個月係冬陰公,原價$268,特價$168,至於優惠做到何時就唔知道喇。

笑蝦蝦冬陰公海鮮鍋 原價$268 特價$168

笑蝦蝦冬陰公海鮮鍋 原價$268 特價$168

用上龍蝦湯頭做湯底,所以食落細心留意係有少少龍蝦香!入面都勁足料,目測有10隻大頭蝦,仲有勁多蜆肉,食落少少香辣,食完湯料仲可以打邊爐。

勁足料湯底!4-6人食都得呀

勁足料湯底!4-6人食都得呀



麻辣雞煲 $78

原價$118,特價$78。同樣唔知道特價會做到幾時,只知道呢個價錢可以食到雞煲之後再打邊爐真非常抵食,亦係冬陰公以外的另一選擇。雞煲可選辣度,最低是BB辣,始終雞煲點都要辣辣地先夠惹味。記者揀既小辣,嗜辣者一定覺得唔夠辣呀!雞件斬得細細件,都幾易食。

雞煲可選辣度,BB辣到大辣任君選擇。

雞煲可選辣度,BB辣到大辣任君選擇。

滷水冰鎮南非鮑魚 $58
酒槽冰鎮南非鮑魚 $58

咁多游水海鮮喺隔離,當然要叫多啲!兩款鮑魚都大大隻,用冰鎮住上,可選原隻上或切片上。酒槽味帶有陣陣酒香,清新醒胃;滷水味亦夠味,冰凍口感一流。

原隻上的大大隻鮑魚

原隻上的大大隻鮑魚

墨膠奶皇包 $78
黑松露蝦丸 $88

以為係真嘅奶皇包?少年,你太年輕了。事實係人手即叫即打墨魚膠,中間包著爆餡流沙奶皇,是咪聽到都想食?黑松露蝦丸又係重口味之選,勁重黑松露味,完全蓋過其他味道。

一客六粒,六個人食無咁飽。

一客六粒,六個人食無咁飽。

用冬陰公湯烚的奶皇包,唔好烚超過2分鐘,否則中間流沙好易熟!

用冬陰公湯烚嘅奶皇包,唔好烚超過2分鐘,否則中間流沙好易熟!



為食魚海鮮火鍋專門店(只此一家,絕無分店)

地址:旺角白布街4號地舖
電話:5334 8198
營業時間:1830-0230
Facebook: www.facebook.com/afishionadomk/

(Visited 3,137 times, 1 visits today)

About Poortravellers 窮遊

Poortravellers 窮遊

網上娛樂資訊平台◈無分國界,全球通行◈美食、玩樂、旅遊、美容…