喜歡食辣的人，會寂寞，因為少人陪食；喜歡食好辣的人，會孤獨，因為更少人陪食。今天晚上，幸好有老公願意頂硬上，陪我食辣辣 雞煲 。
咁我都識做，叫左中辣 – 半隻雞，等大家都食到! HEHEHEHHHE…
麻辣不得了！係口腔慢慢擴散，久久未散，強而有勁，越食越辣，好過癮~
▲雞煲一上桌，店員即時再兜一兜，WOW～香氣逼人，麻辣香味出哂黎，流哂口水！
▲雞件夠嫩滑，沾滿麻辣汁，好惹味
食食下，老公話真係幾辣，就order椰汁冰解解辣！我就順便order杯檸檬茶！
▲檸檬茶$28／椰汁冰 $22
▲飲品真係大大杯，同我個頭一樣咁大！hahahahaha！
2個人好快清哂半隻雞，咁就開始打邊爐時間！
▲加左湯之後，仍然好夠味，所以不用另加調味料！
打邊爐配料好有誠意。響鈴即叫即炸。放湯碌一碌，又好吸辣湯，食到出哂汗！真係好有衝動外賣返屋企宵夜再食！
▲即叫即炸
▲響鈴真心好味，目測疑似超過18層，就咁食已經好有風味，Chok chok聲，脆到不得了！
兩個都係熱辣辣上，就咁食都已經OK！
▲海鮮芝士豆腐味道好似魚腐，都幾彈牙，不過如果芝士再多D就好，依家略嫌唔夠喉
▲櫻花蝦片好爽口，又夠脆卜卜
▲美國雪花肥牛不錯，雪花分佈均勻
▲厚薄適中
食左咁多肉類，叫左鮮淮山、萵荀、白蘿蔔中和下。最驚喜淮山同雞煲會咁夾，碌完口感好似薯仔咁爽口，多一份清新。
▲白蘿蔔鮮甜，萵荀回甘，都不錯！
最後，用我最愛的紅薯粉作總結。
▲食盡雞煲麻辣精華
地址：大埔舊墟直街4-20號美新大廈地下A1號舖
營業時間︰17:00 – 02:00
