
Poortravellers 窮遊
網上娛樂資訊平台◈無分國界,全球通行◈美食、玩樂、旅遊、美容…
Related Posts
日本刨冰店Shari Shari又出新口味啦,除咗引入之前pop-up store推出嘅季節限定白桃味,仲多咗款睇落根本係海膽嘅南瓜新味,睇黎係想應吓萬聖節!
季節限定
之前未試過白桃點都要試吓,就算貌似安仔嘅店員極力推薦南瓜,都係堅持要白桃!入面有白桃糖漿、乳酪漿、白桃果肉,用上北海道3.6牛乳。淨係用白桃糖漿混冰食嘅話,好清,但又唔係好清甜;反而覺得加埋乳酪漿,酸酸甜甜更易入口。可能本身對白桃味太高期望,無咗原個白桃一咬即爆汁嘅效果,做刨冰有少少失望。
一如既往,刨冰中間入含好多白桃果肉。
新口味
食完白桃止唔到癮,就叫返安仔頭先極力推介嘅南瓜味。一黎到已經畀個賣相嚇親,係非常之咁靚仔!淋上面嘅南瓜漿、焦糖漿等令到個面頭好似好多海膽咁!上面都係有pat唔太啱口味嘅thick cream,再曬少少南瓜籽,都幾有心思。
刨冰個肚一樣係有d嘢,今次就用咗好多好多crumbs,加埋煉奶同南瓜刨冰,好有口感,都幾驚喜,唔怪得安仔會推介!
地址:銅鑼灣希雲街14號地鋪
電話:2529 1223
營業時間:1300-0000
Poortravellers窮遊 是一個提供各類資訊的網絡平台,不論美食、旅遊、美容等的資訊都有,務求為大家提供最新消息讓大家緊貼各地娛樂生活資訊。本站以香港為基地,搜羅各界的資訊。本站現階段仍在發展當中,有賴大家的支持本站方可繼續發光發亮。若然喜歡本站,記得分享及介紹給身邊朋友呢!除了本網頁,Poortravellers窮遊 亦有其他社交平台發布各類資訊,想緊貼娛樂生活資訊,記緊Like Facebook Page以及Follow Instagram。