旺角食甜品平靚正之選！ 抹茶 、芋圓樣樣齊

食完飯做咩好？緊係食甜品啦！無甜不歡既小編就黎食甜品食到窮～所以當然要推薦D平靚正既比大家！好食之餘～日日食荷包都吾心痛之選！而且Ideas Dessert 抹茶 系列回歸 身為抹茶控既小編已經率先去食!!!原來價錢仲調整左 比以前更平更抵食！已經沒有不吃的理由了><

宇治森林 $48；寶石森林 $48

抹茶牛奶雪糕轉全 抹茶 +$2 比小編想像中大杯呢！！兩個吾同既地方係一個配煎餅、玄米茶啫喱、脆米；一個配抹茶啫喱、豆腐花、粟米片

▲大家都有甜度適中既紅豆粒同白玉，白玉好煙韌！ 抹茶雪糕有回甘 而且creamy～

翡翠冰島 $46

呢個吾似韓國果啲冰綿綿密密，而係碎碎既冰，要用口咬:o 不過小編覺得都吾錯。不過就真係溶得好快:( 雪糕都未溶，已經就變左飲抹茶牛奶…但個冰用料好豐富!!紅豆全部一粒粒，而且無過甜 ^^椰果令整體望落豐富啲～無奇怪味道出現 點綴黎姐吾係重點:D重點係個兩粒吾顯眼既白玉 超級煙un！><

▲抹茶啫喱都重抹茶味，而且好滑！

IDEAS野苺窩夫配3.6軟雪糕 $52

窩夫係原味，外脆內軟、口感鬆脆，吾係紮實煙韌，吾會令人太滯。奶味重過蛋味，配上蜂糖漿，味道好夾，抹茶控還是把牛乳雪糕轉了抹茶味

▲窩夫點雪糕食都好滋味

靜岡焙茶心太軟配豆腐雪糕 $48

另外心太軟仲有焙茶味Top5之一呢！基本上茶類甜品小編都like 心太軟有抹茶、焙茶、紫薯、伯爵茶。每款各有千秋，但今次就試左焙茶。一個字「濃」黎形容成個甜品，靜岡焙茶心太軟配豆腐雪糕。流心程度良好 切開焙茶岩漿流出 而且心太軟層皮全程都保持脆脆既口感。平時食心太軟，不論係咩味通常都會有偏甜既問題，但依個完全無問題。

▲味道係濃縮焙茶味 吾中意濃茶味既人可能會覺苦tim

▲對於茶味愛好者可謂一級享受，雖然比小編想像中細舊 但已經好滿足！而豆腐雪糕就極重豆腐味 配上心太軟一齊食吾溜吾滯，超正！

芋泥奶凍冰 $32

芋泥、奶凍、小丸子、芋圓、紅豆～全部小編最愛！以刨冰做底 由於個冰係無味既 見到店員會淋上花奶同煉奶，粒粒紅豆甜度適中 份量充足。奶凍甜度低，牛乳味都濃，如果再凍啲會更好

▲芋泥感覺純天然無添加 仲食到大量芋粒！應該真係蒸好就甘壓成泥

仙草紫薯冰 $32

紫薯比芋泥仲好食 多左種天然既香甜 都食到紫薯粒 非常好 刨冰睇住店員落煉奶同花奶既時候 真係感覺好邪惡>< 但食落甜度岩岩好～紅豆、小丸子、黑珍珠份量都吾少！

▲冰溶得有點快，但都不失美味。似椰汁紅豆冰，小編覺得小丸子同芋圓煙un度係perfect~

芋圓仙草盛 $30

無左刨冰，多左西米。小編真係覺得超足料又好食，芋泥香、紫薯甜，各有特色。最緊要係食落新鮮，天然無添加，仲要微暖嫁！睇你自己鍾意邊款～ 小編仲好鍾意佢地既芋圓同小丸子，夠曬煙韌QQ。呢個價錢真係超抵食！

點點甜 Ideas Dessert

地址：旺角豉油街126-128號明威閣地下K舖（油麻地站 A2 出口）
電話：3956 9596
營業時間：
星期一至五 15:00-01:00
星期六至日 13:00-01:00