尖沙咀新開左間特色手工啤酒 食物質素又高既酒吧！
手工啤酒
吾飲酒但又想試下佢地既手工啤酒 可以試下依兩款無咁重酒精濃度同口味較淡既手工啤酒
龍王柚啤 酒精濃度 3.5% 係由啤酒同柚子梳打各半調製而成，柚子味濃 吾好酒既人都接受到 鍾意柚子味既人會like依款
鬼佬 酒精濃度 4.2% 啤酒味較重 飲落有種醇香 仲愈飲愈順口 不經不覺就飲曬成支
南乳雞翼 $58
叫啲小食黎試下先，南乳豬手聽得多 雞翼版吾知味道如何呢？
原來之前有客人反映南乳味吾夠 依家佢地既南乳味已經過改良 今日試過覺得南乳味夠香濃 但又吾會搶過雞翼既鮮味 雞肉非常嫩滑又juicy 雞皮又香又脆 讚喔
大啡菇沙律 $88
非常清新既一款沙律 大啡菇厚肉多汁 沙律菜又夠新鮮 淋上橄欖油 令整個沙律變得更可口
蟹肉洋蔥奄列配多士 $78
非常推薦這款！奄列煮得岩岩好 外面煎得微脆 但切開蛋汁即刻流出黎 超正！食落蛋香味濃 吾好睇小入面 有滿滿既蟹肉 仲好鮮甜 軟軟既蟹肉配搭白洋蔥 增加其咬口 為口感添加一點變化！ 而且奄列調味非常適度 吾似出面普遍既奄列都會加牛油或偏咸 但佢地既奄列做得很好 食到純淨既蛋香 味道岩岩好而吾會蓋過蟹肉既鮮甜 仲有個好酥脆既牛角酥伴碟 滿足曬 黑松露意粉好多餐廳都係黑松露配忌廉汁 而黑松露份量偏小 就落好多忌廉汁 食到人好膩！ 今日依款就岩曬想食黑松露又吾想食忌廉汁既人
黑松露大啡菇意粉 $98
好多黑松露呀 上枱啲香氣就已經湧曬出黎 仲有朵爆多汁既大啡菇 正呀！ 意粉軟硬度適中 煙韌彈牙 食到好濃小麥香 清淡而不失美味 推薦
原來平時八九點會有Misic Live Show!!不過吾係成日有 要留意返佢地facebook / instagram 不失為一個同朋友聚會既好地方！吾只淨係得酒飲既bar 食物質素都做得吾錯 值得一試！
騷 Soul
地址: 尖沙咀諾士佛臺9號冠福中心9樓904室
營業時間 : 17:00-00:00