抵食鐵板餐！勁量雜扒＋特大牛柳！

講到食鐵板餐，就一定要試喱間！唔止鐵板咁簡單，仲要係XXXXL版本！勁大份！

餐廳都開咗超過30年，得返一間店，2層高，夜晚要等位先有得食㗎！食鐵板餐就緊係要聽落汁果吓嘅「吱吱咋咋」聲，拎住張有窿嘅餐巾，檔住流落鐵板彈出嚟嘅汁，完全感受到歲月嘅痕跡。

餐牌

每個餐都會跟餐包、餐湯、雪糕新地、飲品，飲品可以揀啤酒、橙汁、汽水…好多選擇。

周打魚湯入面有梳打餅

鐵板莎樂美雜扒餐($118)跟肉汁

雜扒餐好似比之前更大份，一見到真係嘩嘩聲，由上之下有雞翼、腸仔、火腿、豬扒、雞扒、牛扒，仲有薯餅，雖然可以加錢跟飯/ 意粉，但真係唔建議跟，事關食得哂啲扒已經好勁，塊塊都勁大塊，肉質好腍，質素就真係一般般，但點都要嚟挑戰吓！

鐵板莎樂美雜扒餐

鐵板黑椒牛柳餐($145)跟黑椒汁

5成熟就啱啱好，連牛柳都好大舊，牛味夠之集肉質夠腍，好味過雜扒嘅牛啦當然。

鐵板黑椒牛柳餐

莎樂美

地址：荃灣沙咀道294號地下（荃灣站B1出口）